"Neujep kupi, bang?" Si Ibeunu jipeutaba kupi keu bang Seuhak bak saboh beungoh nibak warong bang Matnu, ngon spontan bang Seuhak (jinoe kajeut keu Haji dan Keuchik Seuhak) geutulak meuntah-meuntah.
"Peng chip bek kajak bayeu kupi lon, hana kateupeu hareum," kheun bang Seuhak ngon sue raya, ngon manyang bahoe, ngon gagah lom. Ban saboh keude urueung katahoe, geukalon si Ibeunue. Lheuh but si Ibeunu hana jiteu'oh peugot male meu-keudroejih.
Na siat trok si Dolah, jiduk ajue di sampeng bang Seuhak. Jiemeukra dua jih. Si Dolah ban jiwoe mantong dari Jakarta, jinoe kajeut keu toke, ka jithee. Rap mandum urueung gampong horeumat dan santon ngon jih, beda ngon si Ibeunu aneuk muda meuwet-wet, han keurija walaupun jih sareujana (sarjana). Tapi bak urueung gampong Lumpoe, jih hanya aneuk miet mabok, ladat ngon chip dan but-but hana jroh.
Katrep meulheung wate, kira-kira na seukitar siteungoh jeum (lhee ploh minet), trok Pawang Manah. Meh (meja) hana nyang gosong, mandum na urueung duk. Tok bak meh si Ibeunu sagai nyang na keurusi gosong. Pawang Manah langsong geuduk dikeu si Ibeunu.
Meh blah uneun Ibeunu duk ngon Pawang Manah geuduk bang Seuhak ngon si Dolah. Dua urueung nyan tingoh meugachuk geupeh tem. Si Dolah sibok jipoh barakah tentang Jakarta, di bang Seuhak han geuthuen taloe geusurah sejarah awai gop nyan di Malaysia.
"Jameun di Malaya hana awak Aceh nyang hana turi lon," surah bang Seuhak.
"Lon pateh. Na lon dingoe-dingoe bak urueung nyoe nyang ban woe di Malaya," seu'ot si Dolah.
"Lon dingoe, gata di Jakarta teupeungaroh siet, sampee jihoi ngon toke muda", singgong bang Seuhak.
"Pane na, nyan but awak nyoe, meuka dirabok ajue". Si Dolah pura-pura meureundah.
"Beh ka, bang. Meunyoe lage nyan lon lake idin ile, awai lon. Seubab lon jak intat ie awak nyoe ile u neuheun", pamit si Dolah sambilan jihoi bang Matnu jiyue bileung sen kupi.
"Tujoh blah ribe sagai," kheun bang Matnu.
"Mandum, man saboh keude," seu'ot si Dolah ngon sombong dan jitumpang keuing.
"Ho, kupi lon hana suah bayeu, han ek kuh ilon peng tramadol. Itume mabok teuh". Langsong geutimpa le Pawang Manah.
"Tapi Pawang, peng tramadol kon hana hereum, beda ngon peng chip. Kon nyoe ile bang Seuhak", na siat si Ibeunu jipansi bang Seuhak.
"Butoi. Nyan peng dari hasil jiemukat sabe ngon bakong jih jameun hana hareum cit. Tapi meunurot jih beh," pansi Pawang Manah.
Bang seuhak ngon si Dolah teudong meublek-blek mata, hana jiseu'ot sapue le. Seubab, Pawang Manah nakeuh mantan Mukim di sagi Krak Bangai yang jithee dan diseugani. Lam keude bang Matnu, mandum urueung ka tahoe, geukalon piasan peut droe urueung nyan.
"Kah Seuhak asai bak peng hana kateupue haleu-hareum, nyan kapah dua keuh ngon sigam meukat ubat reuneng nyoe," takat Pawang Manah, siblah jaroe geutunyok ateuh si Dolah.
Lheuh nyan, Pawang Manah meugeusurah teuk. Kiban cara kakih-kih hukom, peng chip hareum seubab hana jibie chip keugata, peng tramadol hana hareum seubab kayem dijok keugata? Kiban cara gata sidroe keuchik lun lage nyan pemikiran teuh? Man peu tapeugah panyang that, siet ka'ohnan kada.
Meusambong....
إرسال تعليق